Datorren abenduaren 1ean egingo da Bilboko Ekonopolon «Erakunde bizigarriak: nola antolatzen garen, nola kontziliatzen dugun eta nola banatzen dugun boterea» topaketa, Mugarik gabeko Ekonomialariek antolatua «Gurea ESS: Berdintasunerako eraldaketa-tresnak Bizkaiko erakundeetan» proiektuaren baitan.
Topaketa hau hausnartzeko, esperientziak partekatzeko nahiz bizitza eta zainketak erdigunean jarriko dituzten barne-antolaketako modu berriak esploratzeko interesa duten Ekonomia Sozial eta Solidarioko erakundeei zuzenduta dago.
Gurea ESS proiektuaren bidez, Bizkaiko Ekonomia Sozial eta Solidarioko erakundeen barne-kudeaketako jardunbidea aztertu eta ezagutarazi nahi dugu, erakunde-kulturari, kudeaketa parte-hartzaileari, zainketei eta berdintasunari arreta berezia jarriz.
Helburua hauxe da: bidezkoagoak, berdinzaleagoak eta jasangarriagoak izango diren erakundeak eraikitzen lagunduko duten tresnak eta ezagutza partekatua sortzea.
Zer aurkituko duzu topaketan?
Ekitaldiak lau zati izango ditu:
1. Proiektuaren aurrerapenen aurkezpena
2. Ponentzia inspiratzaileak
> REAS Euskadi / Mugarik Gabe / SETEMek lan-politika feministari eta Bizigarri prozesuari buruzko sarrera bat egingo digute.
> Javi Modinok eta ColaBoraBora kooperatibak beren kooperatibaren eta parte hartzen duten beste espazio batzuen (Wikitoki, adibidez) barne-kudeaketako esperientziei buruz hitz egingo digute.
3. World Café dinamika
Esperientzia eta jardunbide errealak partekatuko ditugu, erakunde bizigarriak eraikitzeko.
4. Itxiera eta aperitiboa
Haurtzaindegi-espazio bat egongo da ekitaldian, behar duenarentzat.
Non eta noiz?
> Eguna eta ordua: abenduaren 1ean, 17:30etik 19:30era
> Helbidea: Harrobi Plaza, 4, 48003 Bilbo, Bizkaia
Izen-emateak >> https://forms.gle/nYc37oKSdeEhF2Jb9
