Ekonomia kritikoa interesatzen zaion eta horri buruz ikasi eta hausnartu nahi duen ikaslea edo aktibista al zara? Gustatuko litzaizuke beka bat lortzea uztailean Bilbora etortzeko? Berri hau zuretzako da, urtero UPV/EHUrekin antolatzen dugun Udako Ikastaroaren edizio berri bat abiarazi dugulako!
IKASTAROAREN GAKO-DATUAK
- Izena: Economía Crítica en Acción II: por un conocimiento plural y transformador
- Helburua: Ekonomia edo ekonomia politikoaren nozioa eraikitzen aurrera egitea, honaino ekarri dizkiguten fenomeno sozialak, historikoak eta naturalak ulertzeko eta horiek nola gainditu pentsatzeko
- Modalitatea: Aurrez aurrekoa eta Online zuzenean
- Datak: Uztailak 15 eta 16
- Tokia: Bizkaia Aretoa UPV/EHU, Bilbo
- Hizkuntza: Gaztelera
- Balio akademikoa: 20 ordu
- Matrikula prezioa: 25€
- Laguntza ekonomikoa: Eskaera handia dela eta bekak amaitu dira
Konbentzitu zaitugu? Matrikula zaitez HEMEN! Bestela, segi irakurtzen…
IRAKURRI EGITARAUA OSORIK HEMEN
EZAGUTU IKASTAROA SAKON
Zer tresna eskaintzen ditu ekonomiaren azterketak krisi ekosoziala naturarekiko harreman instrumentaletik haratago ulertzeko? Gure fakultate eta institutuetan irakasten ditugun testuliburuak gai al dira kolonialismoaren garrantzi historikoa onartzeko? Ezagutzarekin erlazionatzen jarraitu behar dugu modelizazio abstraktuaren bidez? Galdera horiei eta beste batzuei erantzuteko, ikaskuntza-ibilbide bat diseinatu dugu. Ibilbide horretan, ekonomiaren paradigma nagusi batzuk zalantzan jartzen ditugu, eta, diziplina anitzeko ikuspegi batetik, gizateriari aurkezten zaizkion erronka handiei helduko diegu.
Uda Ikastaro honetan, XXI. mendeko arazo nagusiak maila geografiko desberdinetan eta ikuspegi teoriko eta praktiko desberdinetatik aztertzea proposatzen da, marxismoa, post-keynesianismoa, ekologismoa, feminismoa eta post-kolonialismoa, besteak beste. Gizartea eraldatzeko aukera berriak bilatu beharra planteatzen da, eta hausnarketa kritikoa eta konstruktiboa egitera gonbidatzen da, alternatiba bideragarri eta jasangarria ahalbidetuko duten erronka globalei aurre egiteko. Ikuspegi desberdin horiek kontrajarriak ere izan daitezke, eta horiek aintzat hartuta, ekonomiaren ezagutzaren eremutik datorren teoria, analisia eta praktika aberastuko dituen eztabaida planteatzen dugu.
Uda Ikastaroan eztabaida-panel batzuk jarriko dira, eta, horietan, hainbat adituk haien ikuspuntuak azalduko dituzte. Ondoren, jendea gonbidatuko da, eztabaidarako galderak eta ekarpenak eginez parte har dezan. Mahai-inguru horien osagarri, nazioarteko foro bat egingo dute ekonomia kritikoko elkarte nazionalek eta nazioartekoek. Lehen eguneko arratsaldean, ontzi bidezko irteera bat antolatuko da Bilboko itsasadarrean. Bi hizlarik beren esperientziak eta tokiko ezagutzak partekatuko dituzte, egungo metropoli-paisaia osatu duten hirigintza-aldaketak kritikoki kontatzeko.
EZAGUTU NOLA LORTU IKASTARORAKO BEKA BAT
ADI! Eskaera handia dela eta bekak amaitu dira.
Beka bat lortzeko ezinbestekoa izango da:
- Bilbotik kanpo bizitzea (soilik 3. beka mota aukeratzen baduzu)
- Gaztelaniaz ahoz komunikatu ahal izatea.
- Ikastaro osora joatea.
Plaza kopuru mugatua dagoenez, honako baldintza hauek betetzen dituztenak hautatuko dira lehentasunez:
- Unibertsitate-gradu batean matrikulatuta egotea edo graduondoko ikasketak egiten aritzea, ikastaroarekin zerikusia duten gaietan.
- Gizarte-mugimenduren batean, ikasle-elkarteren batean, gazte-elkarteren batean, auzo-elkarteren batean eta abarren batean parte hartu izana baloratuko da.
- Inskripzio-ordena.
3 beka mota eskaintzen ditugu:
1. Ikastaroaren matrikula aurrez aurreko modalitatean ordaintzen duen beka.
2. Ikastaroaren matrikula online zuzenean modalitatean ordaintzen duen beka.
3. Ikastaroaren matrikula aurrez aurreko modalitatean ordaintzen duen beka, eta gainera:
- Bi gauetarako ostatua (uztailak 14, igandea, eta uztailak 15, astelehena) genero bereko beste 3 pertsonarekin partekatutako gela batean.
- Ikastaroaren amaieran eta dagokion dokumentazioa aurkeztu ondoren, garraio gisa gehienez ere 100 €-ko itzulketa.
Baldintza hauek betetzen dituzula uste baduzu eta beka bat lortu nahi baduzu, BETE HURRENGO GALDETEGIA!
Informazio gehiago eskatu edo galdera bat egin nahi baduzu, hona idatz dezakezu: maialen.aginagalde@ecosfron.org
